రెడీ

తెలుగు దర్శకుడు శ్రీనువైట్ల యాక్షన్, కామెడిని మిక్స్ చేసి మూవీస్ తీయడంలో దిట్ట. అది అగ్రహీరో అయినా చిన్న హీరో అయినా కామెడి, యాక్షన్ రెండూ ఉండి ప్రేక్షకులను ఆకర్షిస్తాయి. ఇలా రామ్ తెరకెక్కించిన తెలుగుమూవీ రెడీ అదే కోవలోకి వస్తుంది.

స్రవంతి రవికిషోర్ నిర్మించిన రెడీ తెలుగుమూవీలో రామ్, జెనిలీయ డిసౌజా, సునీల్, చంద్రమోహన్, నాజర్, కోట శ్రీనివాసరావు, బ్రహ్మానందం, తనికెళ్ళ భరని, ధర్మవరపు సుబ్రహ్మణ్యం, విద్య తదితరులు నటించారు.

రఘుపతి (నాజర్), రాఘవ(తనికెళ్ళ భరణి), రాజారాం(వెంకట గిరిదర్) ముగ్గురు అన్నదమ్ములు. వారికి స్వరాజ్యం(రజిత) చెల్లెలు, ఆ చెల్లెలి స్వరాజ్య భర్త (చంద్రమోహన్), అతను ఇల్లరికం వచ్చి రఘుపతి ఫ్యామిలిలోనే ఉంటాడు. రఘుపతి తమ్ముడు రాఘవ సుపుత్రుడు చందు (రామ్). చందు మరదల స్వప్నకు వేరే వ్యక్తితో పెళ్లి జరుగుతుండగా, ఆ పెళ్లి ఆమెకు ఇష్టం లేకపోడంతో, ఆమె ప్రేమించిన వ్యక్తి(నవదీప్) వద్దకు ఆమెను చేరుస్తాడు. పెళ్లి చెడగొట్టినందుకు రఘపతి చందుని ఇంటి నుండి వెళ్లగొడతాడు.

ఆ తర్వాత చందు తన స్నేహితుడు ప్రియురాలికి పెళ్లి జరుగుతుంటే, ఆమెను కిడ్నాప్ చేయబోయే వేరే పెళ్ళికూతురు పూజని కిడ్నాప్ చేస్తాడు. పూజ కూడా తనకు ఇష్టంలేని పెళ్లి నుండి తప్పించుకోవాలనకుని, అనుకోకుండా ఇలా కిడ్నాప్ అవ్వడంతో, ఆమె చందు ఇంట్లో ఉంటుంది. చందు కూడా రఘుపతి అనుమతితో మరలా ఇంట్లోకి చేరతాడు. ఆ ఇంట్లో వారిద్దరూ ఒకరినొకరు ప్రేమించుకుంటారు. అయితే ఆమెను బలవంతంగా పెళ్లి చేసుకోవడానికి పూజ మేనమామల కొడుకులు ఇద్దరూ ఎదురుచూస్తూ ఉంటారు. పూజ కోసం గాలిస్తూ ఉంటారు.

పూజ తన మేనమామల దగ్గరకు వెళ్లవలసి రావడంతో, చందు పూజకోసం వారి మేనమామల ఇంట్లోకి, వారిద్దరికీ జాయింట్ ఎక్కౌంటెంటు (బ్రహ్మానందం) ద్వారా చేరతాడు. చివరికి పూజ ఇద్దరి మేనమామల అంగీకారంతో పూజని చందు వివాహం చేసుకుంటాడు.

ఈ రెడీ మూవీ కామెడితో సరదాగా సాగిపోతుంది.

రెడీ తెలుగు కామెడీ ఎంటర్ టైనర్ మూవీ

ధన్యవాదాలు – మూవీమిత్ర

హనుమాన్ జంక్షన్

యాక్షన్ హీరో అర్జున్, జగపతిబాబు నటనతో బాటు వేణు, ఎల్బీశ్రీరాంలతో కూడిన కామెడి సన్నివేశాలు మూవీని తీక్షణంగా వీక్షించడంలో మునుగుతాం. స్నేహం, ప్రేమ ప్రధానంగా కామెడి సన్నివేశాలతో హనుమాన్ జంక్షన్ తెలుగుమూవీ చక్కగా ఉంటుంది.

హనుమాన్ జంక్షన్ తెలుగుమూవీకి రాజా ఎం దర్శకత్వం వహించారు. ఈ తెలుగుమూవీలో జగపతిబాబు, అర్జున్, వేణు తొట్టెంపూడి, లయ, స్నేహ, విజయలక్ష్మి, కోవై సరళ, బ్రహ్మానందం, ఎం ఎస్ నారాయణ, కైకాల సత్యనారాయణ, ఆలీ, తదితరులు నటించారున్.

బాల్యం నుండి మంచిమిత్రులుగా ఉండే కృష్ణ(అర్జున్), దాసు(జగపతిబాబు) హనుమాన్ జంక్షన్ లో ఎంత చెబితే అంత. చిన్నప్పటి నుండి కష్టపడి కెడి అండ్ కో కంపెనీ స్థాపిస్తారు. కృష్ణ అండ్ దాస్ కంపెనీలోకి శత్రు మేనేజరుగా జాయిన్ అవుతాడు. హనుమాన్ జంక్షన్లో కెడి అండ్ కో జరిపించే ఉత్సవాలలో పాల్గొనడానికి వచ్చిన సంగీత, వారి కోపానికి గురి అవుతుంది. సంగీత కుటుంబం నుండి గెంటివేయబడడంతో, ఆమె ఆత్మహత్య చేసుకోబోవడంతో, ఆమెను కృష్ణ, దాసులు కాపాడి తమ ఇంటికి తీసుకువెళతాడు. కృష్ణ, దాసులకు బద్ద శత్రువు అయిన దేవుడయ్య కూతరు మీనాక్షి కృష్ణను చిన్నప్పటి నుండి ఇష్టపడతుంది. కృష్ణకు కూడా మీనాక్షి అంటే ఇష్టము అయితే సంగీత అంటే దాసుకు ఇష్టము. కానీ కొన్ని పరిణామాల వలన సంగీతకు కృష్ట అంటే, దాసుకు మీనాక్షి మీద ఇష్టం పెంచుకుంటారు. ఈ కన్ఫూజన్లో వేణు సూత్రధారి అవుతాడు. దేవుడయ్య ఇదే కన్ఫూజన్ అడ్డుగా పెట్టుకుని కృష్ణ, దాసులపై ప్రతికారం తీర్చుకోవాలనుకుంటాడు. ఈ కన్ఫూజన్ డ్రామాలో కామెడి కలిసి, హనుమాన్ జంక్షన్ మూవీ కామెడి జంక్షన్ గా ఉంటుంది.

ధన్యవాదాలు – మూవీమిత్ర

బెండు అప్పారావు

అల్లరి నరేష్ ఒక ఆర్ఎంపి డాక్టరుగా అల్లరి చేస్తే అది బెండు అప్పారావు తెలుగుమూవీ అందరిని నవ్వించడంలో విజయవంతం అయిన మూవీగా పేరుతెచ్చుకుంది. ఈ మూవీకి కూడా ఈవివి సత్యనారాయణ డైరక్షన్ వహించారు.

బెండు అప్పారావు తెలుగుమూవీలో అల్లరి నరేష్, కామ్నా జఠ్మలానీ, మేఘన, అలీ, ధర్మవరపు సుబ్రహ్మణ్యం, రఘుబాబు, కొండవలస లక్ష్మణరావు, కృష్ణ భగవాన్, ఎల్.బి.శ్రీరామ్, శ్రీనివాస రెడ్డి, సుమన్ శెట్టి తదితరులు నటించారు.

అప్పారావు ఊరిలో జనాలకు వైద్యం చేస్తూ, వచ్చిన డబ్బును తన చెల్లెలి కాపురం సరిదిద్దడానికే దారపోస్తూ ఉంటాడు. అప్పారావు ఆ ఊరి రాజుగారి అమ్మాయితో ప్రేమలో పడతాడు. ఈలోపు డబ్బు ఆశ ఎక్కువగా ఉన్న అప్పారావు బావ, తన భార్యను పుట్టింటికి పంపించేస్తాడు. అప్పారావు స్నేహితులు అప్పులతో సతమతం అవుతారు. అప్పుడే వారికి ఒక అపరిచిత వ్యక్తి పెద్ద మొత్తంలో డబ్బును అప్పజెప్పి చనిపోతాడు. ఆ డబ్బును అతని బంధువులకు అప్పజెప్పడానికి అప్పారావు చేసిన ప్రయత్నం ఫలించకపోడంతో, ఆ డబ్బులో కొంత భాగం అప్పారావు, స్నేహితులు పంచుకుని మిగిలిన డబ్బుతో ఆ ఊరిలో మంచి పనుల చేయిస్తాడు, అప్పారావు. అయితే ఆ డబ్బును అందించిన వ్యక్తి తాలుకా బంధువులు తిరిగి రావడంతో అప్పారావు తన ప్రేమను సైతం వదులుకోవడానికి సిద్దపడతాడు.

ధన్యవాదాలు – మూవీమిత్ర

కితకితలు

1990వ దశకంలో అగ్రదర్శకులలో ఒకరైన ఈవివి సత్యనారాయణ కామెడి మూవీస్ తెరకెక్కించడంలో సిద్దహస్తులు. ఈయన దర్శకత్వంలో వచ్చిన కామెడి తెలుగు మూవీస్ తెలుగువారిని బాగా ఆకట్టుకునేవి. ఈవివి దర్శకత్వంలో వచ్చిన కితకితలు తెలుగుమూవీ టైటిల్ కు తగ్గట్టుగానే కామెడిని అందిస్తుంది. ఇంకా ఈ తెలుగుమూవీలో హీరో ఈయన తనయుడే.

కితకితలు తెలుగుమూవీలో అల్లరి నరేష్, మధు శాలిని, గీతా సింగ్, సునీల్, బ్రహ్మానందం, లక్ష్మీపతి, గిరిబాబు, జయప్రకాశ్ రెడ్డి, ఎమ్మెస్ నారాయణ, ధర్మవరపు సుబ్రహ్మణ్యం, కృష్ణ భగవాన్, రఘుబాబు, వేణుమాధవ్, ఆలీ తదితరులు నటించారు.

సాదారణ యువకుడికి ఉండే కలలు మాదిరిగానే తనకు కాబోయే భార్యవిషయంలో కొన్ని కలలను కన్న యువకుడుకి, ఆకలలకు వ్యతిరేకంగా వివాహం జరిగితే, అప్పుడు ఆ యువకుడు వేరొక అమ్మాయికోసం ప్రాకులాడితే, పరిచయమైన అమ్మాయి కేవలం డబ్బు మనిషని, తనతో తాళి కట్టించుకున్న భార్య తనమేలును మాత్రమే కాక్షించే ఇల్లాలిగా ఈ కితకితలు తెలుగుమూవీలో దర్శకుడు కామెడిగా తెలియజెప్పడం ఈ మూవీ విశేషం.

తెలుగు మూవీలో బక్కగా ఉండే కుర్రవాడికి, బండగా ఉండే భార్య లభిస్తుంది. ఆ బక్కకుర్రాడిపేరు రాజబాబు, అతని అర్ధాంగి పేరు సౌందర్య. కానీ రాజబాబు లావుగా ఉన్న తనభార్యను తన తోటి ఉద్యోస్తులకు కూడా పరిచయం చేయడు. ఇంకా రంభ అనే అమ్మాయితో పరిచయం పెంచుకుంటాడు. అయితే సౌందర్య మాత్రం భర్తని మనసారా ఆరాధిస్తుంది. సౌందర్య నుండి రాజబాబు విడిపోయి రంభను పెళ్లి చేసుకోడానికి చేసే ప్రయత్నంలో ఉంటే, సౌందర్య తన భర్తలో మార్పుకోసం ప్రయత్నిస్తుంది. కితకితలు తెలుగు కామెడి మూవీలో కామెడితో బాటు భార్యభర్తల మద్య అందం అంటే మనసులు కలవడం కానీ శరీరాకృతి కాదు అనే సందేశం కూడా ఉంటుంది.

కితకితలు

ధన్యవాదాలు – మూవీమిత్ర

యమలీల

కమెడియన్ ఆలీ హీరోగా చేసిన తెలుగుమూవీ యమలీల, ఈమూవీలో ఆలీతో బాటు ఇంద్రజ, కెకాల సత్యనారాయణ, బ్రహ్మానందం, గుండు హనుమంతరావు, తనికెళ్ళ భరణి, ఏవిఎస్, కోట శ్రీనివాసరావు, మంజుభార్గవి, సాక్షి రంగారావు, సుబ్బారాయశర్మ అతిధి పాత్రలో కృష్ణ తదితరులు నటించారు. యమలీల మూవీకి దర్శకుడు ఎస్వీ కృష్ణారెడ్డి.

చిత్రగుప్తుని చేతులలో నుండి జారిన భవిష్యవాణి గ్రంధం, భూమిపై పేదరికం అనుభవిస్తున్న వ్యక్తిపై పడుతుంది. చిత్రగుప్తుడు చేసిన పొరపాటుకు యముడు, చిత్రగుప్తుడు ఇద్దరూ భవిష్యవాణి కోసం భూమిపైకి దిగుతారు. అలా భూమిపై అడుగుపెట్టిన యముడు, చిత్ర గుప్తుడు ఏవిధంగా భవిష్యవాణి పుస్తకం తిరిగి పొందుతారు అనేది ఈమూవీ ప్రధానంశం. ఆక్రమంలో వారి వేషధారణ, మాటతీరు కామెడిని అందిస్తాయి.

భవిష్యవాణి పొందిన యువకుడు, భవిష్యవాణిలో కనబడే సూచనలు ఆధారంగా కోటీశ్వరుడు అవుతాడు. అలాగే భవిష్యవాణి సూచనతో తన తల్లికి మరణం సమీపించందనే విషయం తెలుసుకుంటాడు. ఆ భవిష్యవాణి గ్రంధం కోసం వచ్చిన యముడిని ఏవిధంగా ఒప్పించి, తన తల్లిని రక్షించుకుంటాడో ఈమూవీ చూడాలి. కామెడితోబాటు తల్లి సెంటిమెంటు పాట కూడా బాగుంటుంది.

ఆలీకి అద్భుతమైన హిట్ మూవీగా యమలీల తెలుగుమూవీ నిలిచింది. ఈ మూవీ యూట్యూబ్ ద్వారా చూడటానికి ఇక్కడ టచ్ / క్లిక్ చేయండి

ధన్యవాదాలు – మూవీమిత్ర

జంబలకిడిపంబ

జంబలకిడిపంబ తెలుగుమూవీ పేరుకు తగ్గట్టుగానే మూవీ కధ కూడా భిన్నంగానే ఉంటుంది. ఎప్పుడూ ఆడవారిపై మగపెత్తనం ఏమిటి? అని ఆలోచించే ఒక యువతి చేసిన నిర్వాకం వలన ఆ ప్రాంతం వారు అంతా ఆడ మగగాను, మగ ఆడగాను మారిపోతారు. అలా మారడంలో ఏర్పడే విపరీత సన్నివేశాలు కామెడిని అందిస్తాయి.

ఈ తెలుగుమూవీలో కామెడి హీరో నరేష్, ఆమని, కోట శ్రీనివాసరావు, బ్రహ్మానందం, శ్రీలక్ష్మి, జయలలిత, బాబుమోహన్, జయప్రకాశ్ రెడ్డి, మల్లిఖార్జునరావు, ఆలీ, మహర్షి రాఘవ, ఐరన్ లెగ్ శాస్త్రి, కల్పనారాయ్, కళ్ళు చిదంబరం, బాలాదిత్య తదితరులు నటించారు.

ఈవివి సత్యనారాయణ ఈతెలుగుమూవీకి డైరక్షన్ వహించారు. జంబలకిడిపంబ తెలుగు కామెడి మూవీని చూడటానికి ఇక్కడ క్లిక్ / టచ్ చేయండి.

ధన్యవాదాలు – మూవీమిత్ర

పిట్టలదొర కామెడి మిత్రునివలే తెలుగుమూవీ

మాటలు కోటలు దాటడం అంటే ఏమిటో ఈ పిట్టలదొర తెలుగుమూవీలో హీరో క్యారెక్టర్లో చూడవచ్చును. ఈమూవీలో కమెడియన్ ఆలీ హీరోగా నటించగా, అతనికి జోడిగా ఇంద్రజ నటించింది. ఈ తెలుగుకామెడిమూవీ మంచి విజయాన్ని నమోదు చేసింది. పిట్టలదొర కామెడి మిత్రునివలే తెలుగుమూవీ కి సానాయదిరెడ్డి డైరక్షన్ చేశారు. బొంబాయి మూవీలోని హమ్మా..హమ్మా సాంగుకు బాబుమోహన్ పేరడి సాంగుగా ఈ మూవీలో స్పెషల్ ఎట్రాక్షన్.

పిట్టలదొర తెలుగు కామెడి మూవీలో బాబుమోహన్, కోట శ్రీనివాసరావు, బ్రహ్మానందం, మల్లిఖార్జునరావు పిఎల్ నారాయణ, తనికెళ్ల భరణి, చిన్నా, సుమిత్ర తదితరులు నటించారు.

డమ్మీ తుపాకి పట్టుకుని కబుర్లు చెబుతూ అందరిని మెప్పించే పిట్టలదొరగా ఆలీ నటించారు. ఒక పిసినారి కోటీశ్వరుడిగా కోట శ్రీనివాసరావు చక్కగా నటిస్తే, అతని చేత బాధింపడే పనివాడిగా బ్రహ్మానందం నటన హాస్యమును పండిస్తుంది.

పిసినారి కోటీశ్వరుడి ఇంటికి పిట్టలదొర చెల్లెల్ని ఇంటి కోడలుగా పంపడం ఈ మూవీ ప్రధానాంశంగా ఉంటుంది. అలాగే పిట్టలదొర ఆ ఇంటికి అల్లుడు కావడం జరుగుతుంది. మాటలు చెప్పేవాడు వేషాలు వేస్తూ, వేషాలు వేయిస్తూ, పిసినారి కోటిశ్వరుడికి బుద్ది చెప్పడం జరుగుతుంది.

పుల్ టైం కామెడి మూవీగా ఈ తెలుగుమూవీ ఎక్కుమందిని ఆకట్టుకుంది. పిట్టలదొర మూవీని యూట్యూబ్లో చూడటానికి ఇక్కడ క్లిక్ చేయండి. పిట్టలదొర కామెడి మిత్రునివలే తెలుగుమూవీ

ధన్యవాదాలు – మూవీమిత్ర

అప్పుల అప్పారావు పుల్ లెంగ్త్ కామెడిమూవీ

అప్పులేనివారు ఉండరంటారు, అప్పు అంతటి కామన్ పాయింట్ అందరికీ అయినప్పుడు ఆ అప్పు మీద కామెడి చేస్తే మరింత మెప్పు పొందవచ్చును. అప్పుల అప్పారావు మూవీ టైటిల్ తగ్గట్టుగానే అప్పుల అప్పారావు పుల్ లెంగ్త్ కామెడిమూవీ ! అప్పులతో బ్రతికేసే అప్పారావు కధతో తెలుగుమూవీ ఉంటుంది. ఈ తెలుగుమూవీ కామెడితో మిత్రునివలె నవ్విస్తూ ఉంటుంది.

అప్పుల అప్పారావు తెలుగుమూవీలో కామెడి హీరో రాజేంద్రప్రసాద్, శోభన జంటగా నటించగా ఈవివి సత్యనారాయణతెలుగుమూవీకి డైరక్షన్ చేశారు.

అప్పారావు నిద్రలేచిన దగ్గరి నుండి పడుకునేవరకు అన్ని అప్పులే. అలా అందరి దగ్గరా అప్పులు చేస్తూ, అప్పుల వాళ్ళతో ఇంటి ముందు క్యూకట్టించుకునే స్థాయిలో అప్పారావు అప్పులు ఉంటాయి.

అలాంటి అప్పుల అప్పారావుకు ఒక లేడి కానిస్టేబిల్ కు ప్రేమ పుడుతుంది. అయితే వారి ప్రేమకు పెళ్ళి సెంటిమెంటు అడ్డువచ్చి మొదటి భార్య పోతుందనే బ్రమతో, చావుబ్రతుకుల్లో ఉన్న వేరొక యువతి మెడలో అప్పారావు తాళి కడతాడు. అయితే ఆమె పూర్తి ఆరోగ్యంతో ఉండడంతో, తాను మోసపోయినట్టు శోభనం రోజునే అప్పారావుకు తెలుస్తుంది.

ఆ విషయం అత్తగారిని నిలదీయడంతో, ఆమె తప్పనిసరి పరిస్థితులలో ఆపని చేసినట్టుగా చెబుతుంది. ఆ మోసపు పెళ్ళి తప్పించుకోవడానికి అప్పారావు తన మరదళ్లకు పెళ్ళిళ్లు చేయవలసిన అవసరం ఏర్పడుతుంది. అప్పారావు తన మరదళ్లకు పెళ్ళిళ్ళు చేస్తే, ఆ మోసపు వివాహం రద్దు చేసుకందామనే అంగీకారం అప్పారావు, అత్తగారితో ఒప్పందం కుదుర్చుకుంటాడు.

అప్పారావు ఏవిధంగా తన మరదల పిల్లలకు వివాహం చేశాడు అనే అంశంతో ఈ మూవీ కామెడితో సాగుతుంది. కేవలం వినోదం కోసమో మూవీక్షణ చేసేవారికి అప్పుల అప్పారావు కావాల్సినంత కామెడి ఇచ్చిందనే టాక్ ఈ సినిమాకు వచ్చింది. ఈ సూపర్ హిట్ అప్పుల అప్పారావు పుల్ లెంగ్త్ కామెడిమూవీ అప్పుల అప్పారావు సినిమా చూడటానికి ఇక్కడ క్లిక్ చేయండి.

అప్పుల అప్పారావు పుల్ లెంగ్త్ కామెడిమూవీ

ధన్యవాదాలు – మూవీమిత్ర

మూవీమిత్ర

మూవీమిత్ర మూవీ బ్లాగుకు స్వాగతం! తెలుగుమూవీస్ కు సంబంధించిన తెలుగుపోస్టులతో మూవీమిత్ర ఉంటుంది.

మంచి మూవీ చూస్తే, మనసు మంచి ఆలోచనలు పొందుతుంది. శృంగార ప్రధానంగా సాగే మూవీస్ చూస్తే, మనసు శృంగారభరితమైన ఆలోచనలతో నిండుతుంది. ఎటువంటి మూవీస్ చూస్తుంటే, అటువంటి ఆలోచనలు మనసులో పెరుగుతాయి. ఇక్కడ మూవీ ఒక శృంగార విషయాల మిత్రగా మారుతుంది.

మంచిని పెంచే మూవీస్ ఎందుకు చూడాలంటే, మిగిలిన ఇతర విషయాలు అందరికీ ఇష్టమే కాబట్టి, అందరికీ ఇష్టమైన విషయాలు మనకు చేరతాయి. అవి మంచివి అయినా చెడ్డవి అయినా! అయితే మనకు మనం మంచి విషయాలను తెలుసుకునే ప్రయత్నం చేయడం వలన మనం మంచి విషయాలు సమాజంలో పెరగడానికి కృషి చేసినవారమవుతాము. మూవీ మంచిని పెంచే మిత్రగా మారుతుంది.

ఎలా అంటే… ఒక ప్రాంతంలో ఒక లక్షమంది ఏవిషయం వైపు దృష్టి పెడితే, ఆ విషయంవైపు వెళ్ళినట్టు, యూట్యూబ్ లో మంచి విషయాలను ఎక్కువమంది చూస్తుంటే, ఆ మంచి విషయాలే యూట్యూబ్ లో రిపీట్ అయ్యి మరింతమందికి చేరతాయి. కాబట్టి మంచిని తెలియజేసే మూవీస్ ను ఎక్కువగా చూడటం వలన ఆయా మూవీలలో ఉండే సామాజిక సూచనలు కానీ మంచి విషయాలు కానీ ఎక్కువమందికి చేరతాయి.

మూవీ మిత్రుని వలె మనసుకు చేరుతుంది, ఒక సోషల్ మిత్రునిలాగా అందరికీ సలహాను తెలియజేస్తూ ఉంటుంది. మూవీ మిత్రుడు మాదిరి మనసులోకి సోషల్ ట్రెండ్సును తీసుకువస్తుంది. తెలుగు మూవీ తెలుగువారికి ఒక మిత్రత్వంతో ఉంటుంది.

మూవీస్ మనసును మరిపిస్తూ ఉంటాయి. కామెడి మూవీస్, భక్తి మూవీస్, ఫ్యామిలి స్టోరీ మూవీస్, యాక్షన్ మూవీస్, ఫాంటసీ మూవీస్ మనసును మరిపిస్తాయి. కాసేపు మనసును సాదారణ ఆలోచనల నుండి విరామం కల్పిస్తాయని అంటారు. తెలుగులో కామెడి మూవీస్ మన మనసును కాసేపు రంజింపచేస్తాయి.

కామెడి మూవీస్ నవ్వులతో నవ్వించి మనసును మరిపిస్తే, భక్తి మూవీస్ భగవంతుని మహిమలు, లీలలతో మనసును శాంతింపజేస్తాయి అంటారు. భగవంతుని గాధలు తెలుగుమూవీస్ ద్వారా వెండితెరపై చూడగానే, మనసులో మెదిలే పవిత్రమైన ఆలోచనలు, మనసుకు శాంతిని తీసుకువస్తాయని అంటారు.

మనం భక్తి భావనతో ఉంటూ భక్తి మూవీస్ చూస్తూ ఉంటే, భక్తి మూవీలలోని భావనలను మనకు ఒక మిత్ర భావనగానే చేరతాయి. అలాగే శృంగారపరమైన ఆలోచనలు కలిగి శృంగారావేశ పూరితమైన మూవీస్ వీక్షిస్తూ ఉంటే, ఒక శృంగారమిత్రగా మూవీ ఉంటుంది. ఏ భావనతో ఎటువంటి మూవీస్ చూస్తే, అటువంటి ఆలోచనలు మనసులోకి చేరతాయి. అలాంటి మూవీస్ తో మనకు వర్చువలు మిత్రత్వం ఏర్పడుతుంది.

భక్తి మూవీస్ భగవంతుని గురించి తెలియజేస్తే, ఫ్యామిలి స్టోరీ మూవీస్ కాసేపు వివిధ పాత్రలతో మమేకం చేస్తాయి. మన చుట్టూ ఉన్న పాత్రలు మూవీలలో కూడా కనిపించడం జరుగుతూ ఉంటుంది. ఫ్యామిలీ స్టోరీస్ మనకు ఏదో ఒక సందేశాన్ని తెలియజేస్తూ మనసును రంజింపజేస్తాయి అంటారు.

యాక్షన్ మూవీస్ కేవలం కధనం ఆధారంగా పోరాట సన్నివేశాలు, సస్పెన్స్ తో సాగుతూ మనసును ఆకట్టుకుంటూ ఉంటాయి. ఫాంటసీ మూవీస్ చూస్తున్నంతసేపూ మనసును వేరోలోకానికి తీసుకువెళ్లే ప్రయత్నం చేస్తూ ఉంటాయి.

తెలుగుమూవీస్ వివిధ అంశాలతో వివిధ కధనాలతో విభిన్నంగా ఉంటూ ఉంటే, కొన్ని మూవీస్ సాదారణంగానే ఉంటే, మరికొన్ని మూవీస్ పేలవమైన కధనంతో సాగుతాయి. కొన్ని మూవీస్ అసాదారణ స్థాయిలో ఆకట్టుకుంటే, మరికొన్ని మూవీస్ అద్భుతంగా అనిపిస్తాయి. ఏదైనా తెలుగుమూవీస్ మనసును కాసేపు మరిపిస్తాయి.

వయస్సును బట్టి చేరుతున్న ఆలోచనలు బట్టి మూవీస్ చూస్తూ ఉంటే, అప్పటి సోషల్ ట్రెండ్స్ ను బట్టి, మూవీస్ కొత్త విషయాలను మనకు ఒక మిత్రునిగా చేరవేస్తాయి. సోషల్ ట్రెండ్లను బట్టి మూవీస్ వస్తూ ఉంటే, ఆదరించే అంశ ఆధారంగా మరిన్ని మూవీస్ వస్తూ ఉంటాయని అంటారు. ఆలోచనను బట్టి, అందుకు సంబంధించిన అంశంలో విషయం చేరవేయడంలో మూవీస్ మిత్రునిలాగానే ఉంటాయని అంటారు.

మనసును మరిపించే తెలుగుమూవీస్, మనసును ఆకట్టుకునే తెలుగుమూవీస్, మనసును రంజింపజేసే తెలుగుమూవీస్, వినోదం అందించే తెలుగు మూవీస్ ఇలా వివిధ రకాల తెలుగుమూవీస్ గురించి మూవీమిత్ర పోస్టులలో….

కామెడి మూవీస్ నటీనటులు మరియు యూట్యూబ్ వీడియో లింకులతో కూడిన కామెడి మూవీస్ లిస్టును చూడటానికి ఇక్కడ టచ్ / క్లిక్ చేయండి.

సీనియర్ ఎన్టీఆర్ మూవీస్ లిస్టును చూడటానికి ఇక్కడ క్లిక్ / టచ్ చేయండి.

సీనియర్ ఏన్నార్ మూవీస్ లిస్టును చూడటానికి ఇక్కడ క్లిక్ / టచ్ చేయండి.

ధన్యవాదాలు – మూవీమిత్ర